Жоспарға сәйкес мәдениет, тілдерді дамыту және архив ісі басқармасының "АОМА" КММ-нің Жарма филиалында В.Маяковский атындағы орта мектептің 8 сынып оқушыларына экскурсия өткізілді. Экскурсия барысында оқушыларға Жарма ауданында тұрған көрнекті тұлғалардың, ҰОС қатысушыларының жеке тектік құжаттары көрсетілді. Соғыс жылдарындағы фотосуреттер, майданнан келген хаттар, ардагерлердің марапаттау парақтары, соның ішінде сақталған ең көне құжат "1898-1989 жылдардағы метрикалық кітап" көрсетілген. Сондай-ақ, оқушыларды архившілердің жұмысымен таныстырды, тізімдемеде, қорларда істердің қалай қалыптасатынын көрсетті.
