"АОМА" КММ қызметкерлері Қазақстан Республикасындағы ақпараттық қауіпсіздік жөніндегі нормативтік-құқықтық актілердің талаптарымен танысты

      Елімізде ақпараттық технологиялардың дамуына байланысты маңызды мәселелердің бірі ақпараттық қауіпсіздікті қамтамасыз ету болып табылады.
2024 жылғы 12 наурызда "Абай облысы мемлекеттік архиві" КММ қызметкерлері Қазақстан Республикасындағы ақпараттық қауіпсіздік жөніндегі нормативтік-құқықтық актілердің талаптарымен танысты.

      Ақпараттық қауіпсіздік бойынша жауапты болып табылатын "АОМА" КММ ақпараттық технологиялар бөлімінің басшысы А.Н.Мұсаханов баяндама жасады.

           Ол сондай-ақ осы бағытта жүргізілген жұмыстың нәтижелері туралы айтып берді.
Ақпараттық қауіпсіздік бұзушылықтарды болдырмау мақсатында қызметкерлерге дербес компьютер мен машиналық ақпарат тасығыштарды пайдалана отырып, тыйым салынған және рұқсат етілетін операциялардың түрлері егжей-тегжейлі түсіндірілді.

          Тыңдалған ақпараттан кейін қатысушылар өздерін қызықтырған сұрақтарын қойып, оларға толық жауаптар алды.